जलेश्वरी आधारभूत विद्यालयका विद्यार्थीलाई तेन्जिङको शैक्षिक सामग्री सहयोग

धादिङ। सिद्धलेक गाउँपालिका-१ स्थित जलेश्वरी आधारभूत विद्यालयमा अध्ययनरत विद्यार्थीलाई तेन्जिङ खेडुप तामाङले शैक्षिक सामग्री तथा खेलकुदका सामग्री सहयोग गरेका छन्।

विद्यालयका संस्थापक नयाँबस्ती धारापानीका स्वर्गीय लालबहादुर लामाका नाति भिक्टर तामाङका छोरा तेन्जिङले दशैको अवसरमा विद्यालयमा अध्ययनरत बालकक्षादेखि कक्षा ५ सम्मका सम्पूर्ण विद्यार्थीलाई प्रतिविद्यार्थी नेपाली र अंग्रेजी कापी १३/१३ वटाका दरले वितरण गरेका हुन्।

उनले विद्यालयलाई एक थान भलिबल, एक थान फुटबल, एक रोल कम्प्युटर पेपर, कालो कलम दुई दर्जन, रातो कलम दुई दर्जन र ह्वाइटबोर्ड मार्कर एक दर्जनसमेत सहयोग गरेका छन्।

विद्यालयले उक्त सहयोगप्रति आभार व्यक्त गर्दै तेन्जिङको उज्ज्वल भविष्य र सफलताको कामना गरेको छ।