गजुरीबाट २६ किलो गाँजासहित ३ जना पक्राउ

धादिङ। गजुरी गाउँपालिका–१ गजुरी बजारबाट २६ किलो गाँजासहित ३ जना पक्राउ परेका छन् ।

गएराती इलाका प्रहरी कार्यालय गजुरीबाट खटिएको प्रहरीले २६ किलोग्राम गाँजा र १ थान मोबाइलसहित सोही गाउँपालिका–४ बस्ने ३४ वर्षीय वृद्धिलाल तामाङ समेत ३ जनालाई पक्राउ गरेको प्रहरीले जनाएको छ।

प्रहरीले पक्राउ परेका अन्य २ जनाको भने परिचय खुलाएको छैन ।

गएराती काठमाडौंबाट भैरहवातर्फ जाँदैं गरेको लु.२ ख ४५२९ नम्बरको बसमा सवार उनीहरूलाई उक्त गाँजा सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ।