१५० किलो गाँजासहित धादिङका संजिप र चितवनका एक किशोर पक्राउ

धादिङ । महोत्तरीको रामगोपालपुर नगरपालिका–५ रामगोपालपुर चोकबाट अवैध लागूऔषध गाँजासहित दुई जना पक्राउ परेका छन् ।

पक्राउ पर्नेहरूमा धादिङ धुनबेसी नगरपालिका–६ बस्ने ३० वर्षीय संजिप खत्री र चितवन खैरेनी नगरपालिका–१ बस्ने १८ वर्षीय किशोर रहेका छन् ।

सोमबार राती जिल्ला प्रहरी कार्यालय महोत्तरी र इलाका प्रहरी कार्यालय रामगोपालपुरबाट खटिएको प्रहरीले बा.प्र ०१–०२६ च १३३६ नम्बरको पिकअप गाडीलाई जाँच गर्ने क्रममा १० वटा पोकामा रहेको करिब १ सय ५० किलोग्राम गाँजा फेला पारी गाडी चालक संजिप र सहचालक किशोरलाई पक्राउ गरिएको प्रहरीले जनाएको छ ।

यस सम्बन्धमा प्रहरीले आवश्यक अनुसन्धान गरिरहेको जनाएको छ ।