नागरिकता किर्ते प्रकरण : धादिङ प्रशासनका नासु पक्राउ

धादिङ । तिब्बती नागरिकलाई नागरिकता दिएको मुद्दाको अनुसन्धानका लागि जिल्ला प्रशासन कार्यालय धादिङका नासु पक्राउ परेका छन् ।

नासु कृष्णबहादुर थपलियालाई प्रहरीले बुधबार दिउँसो पक्राउ गरेको हो ।

अपराध अनुसन्धान कार्यालय र जिल्ला प्रहरी कार्यालयमा मुद्दाको अनुसन्धान भईरहेकोले नागरिकता दिँदा किर्ते गर्न सघाएको आरोपमा नासु थपलियालाई पक्राउ गरिएको प्रहरीले जनाएको छ ।

कार्यालय समयमै थपलिया पक्राउ परेपछि जिल्ला प्रशासनमा कर्मचारी र कार्यालय प्रमुखको बैठक बसेको थियो ।

तिब्बतीलाई नागरिकता दिएको विषयमा २० वर्षअघि मृत्यु भएका हर्क बहादुर तामाङले सनाखत गरेको खुलेको छ ।

नेत्रावती डबजोङ गाउँ पालिका वडा नम्बर १ का हर्कबहादुर २० वर्षअघि मृत्यु भएका व्यक्ति हुन् ।

उनले सोनाम तामाङ छोरो बनाएर दिईएको भनिएको नागरिकतामा हर्कबहादुरले सनाखत गरेको पाईएको नेत्रावती डबजोङ गाउँपालिका वडा नं १ का वडा अध्यक्ष ठाकुर गुरुङले बताउनुभयो।

विवादास्पद तिब्बती नागरिकलाई वंशजको नागरिकता दिइएको विषयमा छानविन भइरहेको छ तर नागरिकतामा हस्ताक्षर गर्ने अधिकृत र काम मिलाइ दिएका कर्मचारी भने जिल्ला प्रशासन कार्यालयमा भेटिएका छैनन् ।

एउटा जुवा खालबाट काठमाण्डौमा असोज ४ गते पक्राउ परेका सोनाम तामाङलाई प्रहरीले सोधपुछ गर्दा ४ लाखमा नागरिकता किनेको आफ्नो घर तिब्बतको आम्दो घर भएको बताएपछि नागरिकताको किर्ते सम्बन्धी विषय छताछुल्ल भएको हो ।

उपत्यका अपराध अनुसन्धान कार्यालय टेकुले सोनामलाई नागरिकता दिलाउन बिचौलियकोे भूमिका खेलेका र काठमाण्डौमा बस्दै आएका धादिङको नेत्रावती डबजोङ गाउँपलिका वडा नम्बर १ का ३१ वर्षीय मदन बहादुर तामाङ, खनियाबास गाउँपालिका वडा नम्बर ५ का ५६ वर्षीय रामेश्वर रिजाल, सिन्धुपाल्चोक जिल्ला हेलम्बु गाउँपालिका वडा नम्बर ४ का ५६ वर्षीय छिरिङ वाङदीन शेर्पा, र भारत घरभएका ५३ वर्षीय छिरिङ ढुण्डुपलाई पक्राउ गरि गत हप्ता अनुसन्धान गरेको थियो ।

उनिहरुलाई जिल्ला प्रहरी कार्यालय धादिङको जिम्मा लगाएपछि गत सोमबार नागरिकता किर्ते मुद्दामा ७ दिनको म्याद लिएर अनुसन्धान गरिरहेको जिल्ला प्रहरी कार्यालय धादिङका प्रहरी नायव उपरिक्षक सूचना अधिकारी मकेन्द्र कुमार मिश्रले जानकारी दिनुभयो ।

सोनाम भने पहिल्यै पक्राउ परेकोले काठमाण्डौमा जुवा मुद्दामा अनुसन्धानको क्रममा छन् ।

जुवा मुद्दाको अनुसन्धान सकिएपछि सोनामलाई समेत नागरिकता किर्ते मुद्दामा अनुसन्धानका लागि काठमाण्डौ प्रहरीले धादिङ पठाउने जनाएको छ ।

सोनामको आफूले भारत घरभएका ५३ वर्षीय छिरिङ ढुण्डुपलाई ४ लाख दिएर नागरिकता किनेको र बाबुको नाम समेत जानकारी नभएको भताएपछि घटनाको पर्दाफास भएको थियो ।

सोनामले जिल्ला प्रशासन कार्यालय धादिङमा २०८१ असार ६ गते जारी भएको २६–०१–८१–०३२१७ नम्बरको नागरिकता प्रशासकिय अधिकृत छत्रबहादुर अधिकारीले दस्तखत गरेको नागरिकता लिनुभएको छ ।

जिल्ला प्रशासन कार्यालय धादिङमा असार ६ गते सोनाम तामाङको नामको नागरिकता फोटो समेत टाँसेर जारी भएको स्वीकार गर्दै प्रमुख जिल्ला अधिकारी राजेन्द्र देव पाण्डेले नागरिकता किर्ते मुद्दा अनुसन्धानको क्रममा रहेकोले अन्य कुरा भन्न नमिल्ने बताउनुभयो ।

वडा अध्यक्षको नियमित नियमित सिफारिस, मुचुल्का, आदी आउने, कर्मचारीले प्रशासकिय अधिकृतकोमा पेश भएपछि सनाखत गर्ने मानिस समेत आएपछि जिल्ला प्रशासनबाट नागरिकता जारी भएपनि किर्ते गरि नागरिकता लिएको अनुसन्धानबाट प्रमाणित भएको समयमा कर्मचारीले समेत कारबाही भोग्नु पर्ने जिल्ला प्रशासन कार्यालय धादिङका सूचनाअधिकारी तथा सहायक प्रमुख जिल्ला अधिकारी तथा सूचना अधिकारी युवराज अर्यालले बताउनुभयो ।

तिब्बती नागरिकलाई काठमाण्डौको एक होटलमा कागजपत्र लगेर दस्तखत गराउने कर्मचारी समेत मिलेमतो गरेको भनेर उपत्याका अपराध अनुसन्धान कार्यालयले अध्ययन समेत गरेर जानकारी दिएको अवस्थामा कर्मचारीलाई छाडेर विचौलियालाई मात्र हिरासतमा राखेर अनुसन्धान गरिएको छ ।

कर्मचारीहरुमा खैलाबैला भएपछि एक साताअघि नै प्रशासकिय अधिकृत घररमा श्राद्ध परेको भन्दै विदा लिएर बसेका छन्।

वडाबाट सिफारिस आएको बताइएको विषयमा नेत्रावती डबजोङ गाउँपालिका वडा नम्बर १ का वडा अध्यक्ष ठाकुर गुरुङले जिल्ला प्रशाससन कार्यालयलाई आफूले यस किसिमको सिफारिस नदिएको बताएका सूचना अधिकारी अर्यालले जानकारी दिनुभयो।

संचारकर्मीको प्रश्नमा वडा अध्यक्ष गुरुङले २० वर्ष माथिका मानिसको सिफारिस दिँदा मुचुल्का समेत गर्ने गरिएको छ ।

नागरिकता लिएका सोनाम तामाङको बाबू भनिएका हर्कबहादुर २० वर्ष अघि नै मरिसकेका व्यक्ति भएकोले यस किसिमको किर्ते सिफारिस वडाले नगरेकोले बताउँदै किर्ते गर्ने सबैलाई कारबाहि गर्नुपर्ने बताउनुभयो ।

नक्कली नागरिकता बनाएको आरोप लागेका सोनाम तामाङ जुवा मुद्दा अनुसन्धानपछि नागरिकता किर्तेमा छानविनका लागि ल्याइने छ ।

नागरिकताको विषय उठेपछि जिल्ला प्रशासन कार्यालयमा कर्मचारी संख्या कम भएको र एकजनामात्र अधिकृत भएपछि मानिसको घुइचो बढेको कर्मचारी वर्गमा खैलाबैला मच्चिएको छ ।