आज साउनको अन्तिम सोमबार : शिवालयमा भक्तजनको भीड

आज साउन महिनाको अन्तिम सोमबार,देशभरका शिवालयमा भक्तजनको भीड लागेको छ।

आज बिहानैदेखि पशुपतिनाथमा दर्शन एवं पूजाका लागि भक्तजनको भीड लागेको छ। पशुपति क्षेत्र विकास कोषका अनुसार अन्तिम सोमबार भएकाले अघिल्ला सोमबारभन्दा भक्तजनको भीड बढी रहेको छ।

साउनको सोमबार विवाहित महिलाले व्रत बसी शिवालयमा पूजा गरी जल चढाएमा अटल सौभाग्य प्राप्त हुने धार्मिक विश्वास छ।अविवाहित महिलाले व्रत गरे सोचेअ नुरुपको वर प्राप्त हुने विश्वास पनि छ।

साउन महिनाको सोमबार व्रत बसेका व्रतालुले अन्तिम सोमबार आज गोदान र पूर्णपात्र गरी व्रत समापन गर्छन्।

तस्विर:नीलकण्ठ-१२ स्थित धादिङबेशीमा रहेको पशुपती मन्दिर र भक्तजन
तस्विर:सौजन्य पत्रकार/सन्तोषराज श्रेष्ठ