समाजवादी प्रेस संगठन धादिङका अध्यक्ष राज ढुंगानाले दिए राजीनामा

धादिङ। समाजवादी प्रेस संगठन धादिङका अध्यक्ष राज ढुंगानाले अध्यक्ष पद बाट राजिनामा दिनुभएको छ।

ढुंगानाले मंगलबार साँझ एक बिज्ञप्ति जारी गर्दै पदमा नरहने निर्णय गर्दै अध्यक्ष पदबाट राजीनामा दिएको जानकारी गराउनुभएको हो ।

मंसिर २८ गते सम्पन्न नेपाल पत्रकार महासंघको जिल्ला शाखाको निर्वाचनमा समाजवादी प्रेस सङ्गठन धादिङले झिनो मतले एक पदमा हार व्यहोर्नु परेको भन्दै सँगठनको केन्द्र, प्रदेश तथा जिल्ला तहको नेतृत्व विच समयमा सहकार्य र समन्वय नहुने लगायत विविध कारणले गर्दा यसअघि महासँघको कार्यसमितीमा रहि काम गरेका र अहिले पनि काम गर्न चाहेका साथीहरु महासँघबाट बाहिरिनु भएको र सङ्ख्यात्मक रुपमा बलियो सदस्य रहेको यस जिल्लामा यो किसिमको अवस्था आउनु दुखद पक्ष रहेको बिज्ञप्तीमा उल्लेख छ।

नेतृत्वको अर्कमण्यताका कारण जिल्लामा निकै कम पदमा त्यो पनि अन्तिम समयमा उम्मेद्वारी दिन परेको भन्दै सँगठनलाई बलियो बनाउनु छ भने हरेक क्रियाकलापमा नेतृत्व बिच सहकार्य र समन्वयको वातावरण हुनुपर्ने ढुंगानाद्धारा जारी बिज्ञप्तीमा भनिएको छ ।

समाजवादी प्रेस संगठन धादिङले गएको निर्वाचनमा केन्द्रिय गठबन्धन बिरुद्ध विद्रोह गर्दै प्रेस चौतारी नेपाल र नेपाल प्रेस युनियन संग सहकार्य गरेको थियो ।

उक्त सङ्गठनको तर्फबाट उम्मेदवार रहेको मध्ये जिल्ला शाखाको अन्य समावेशी अन्तर्गत कार्यसमिति सदस्यमा सनिता चेपाङ निर्विरोध र खुला सदस्यमा निर्वाचन मार्फत सन्दिप प्रसाद घिमिरे,प्रदेश परिषद सदस्यमा लक्ष्मी भुजेल निर्विरोध र निर्वाचन मार्फत राज ढुंगाना निर्वाचित हुनुभएको थियो ।

धादिङ शाखाको कोषाध्यक्ष पदमा भने प्रेस सेन्टरका बद्री अधिकारीसँग समाजवादी प्रेस संगठनका केन्द्रिय सदस्य शिवराज आचार्य ३ मतले पराजित हुनुभएको थियो ।

यस्तो छ,बिज्ञप्ती