धादिङमा आज जिल्लास्तरीय वक्तृत्वकला प्रतियोगिता हुँदै, १३ पालिकाका ३२ विद्यार्थी छनोट

धादिङ । धादिङमा आज जिल्लास्तरीय वक्तृत्वकला प्रतियोगिता हुँदै छ ।

अन्तर्राष्ट्रिय धादिङ समाजको आयोजनामा हुने प्रतियोगितामा जिल्लाको १३ वटै पालिकाबाट माध्यमिक विद्यालय पढ्ने विद्यार्थीहरुको सहभागिता रहने समाजका अध्यक्ष राजन खकुरालले बागमती कलमलाई जानकारी दिनुभयो ।

युवा पुस्ताको चाहना : असल नेतृत्व र इमान्दार राजनिति शिर्षकमा हुने वक्तृत्वकला प्रतियोगितामा जिल्लाका १३ स्थानीय तहबाट ३२ जना विद्यार्थी छनोट भएका संस्थाका महासचिव बाबुकाजी भण्डारीले जानकारी दिनुभयो ।

प्रतियोगिताको प्रथम पुरस्कार ५० हजार, द्धितिय पुरस्कार ३० हजार तृतिय पुरस्कार २० हजार, चौँथो पुरस्कार १० हजार र पाँचौ पुरस्कार ५ हजार रहेको कार्यक्रम संयोजक बद्री खतिवडाले बताउनुभयो ।

धादिङबेसी स्थित सिटी हलमा आज बिहान १० बजेदेखि कार्यक्रम सुरु हुने अन्तराष्ट्रिय धादिङ समाजका प्रवक्ता सुदिप भुषण अर्यालले जानकारी दिनुभयो ।

प्रतियोगितामा गल्छी गाउँपालिकाबाट सूचना अधिकारी, संगीता श्रेष्ठ र सक्षम नेपाल, त्रिपुरासुन्दरी गाउँपालिकाबाट विवेक बन्जरा र सन्ध्या बिक, थाँक्रे गाउँपालिकाबाट सम्बृदी रुपाखेती, सम्भव रुपाखेती र श्रीकृष्ण सुवेदी, धुनेबेशी नगरपालिकबाट काजल बास्कोटा, रन्जिता तामाङ र श्रीब्मा खकुरेल, नीलकण्ठ नगरपालिकाबाट इशा थापा, सञ्जिवनी पोख्रेल, मनिषा शाक्य र अविज्ञ कार्की, रुबीभ्याली गाउँपालिकाबाट मेनुका तामाङ छनोट भएका छन् ।

त्यसैगरी खनियाबास गाउँपालिकाबाट आशिक तामाङ र फ्लोरिना गुरुङ, ज्वालामुखी गाउँपालिकाबाट सन्देश भट्ट र बबिता गुरुङ, गंगाजमुना गाउँपालिकाबाट टीका नेपाली र श्रेया तामाङ, सिद्धलेक गाउँपालिकाबाट समिर गिरी र रनिशा सुनार, नेत्रावती डबजोङ गाउँपालिकाबाट युनिका श्रेष्ठ र अनुष्का कमर, रोशनी तामाङ,बेनीघाट रोराङ गाउँपालिकाबाट उमिद थपलिया, राजिव भट्ट र विजय पाण्डे र गजुरी गाउँपालिकाबाट अनिरुद्रसिं बस्नेत र इसा भण्डारी छनोट भएका छन् ।

बागमती प्रदेशका आन्तरिक मामिला तथा कानुनमन्त्री शिवराज अधिकारीको प्रमुख आतिथ्यमा सम्पन्न हुने कार्यक्रममा संविधान सभा सदस्यहरु, पुर्व मन्त्री, पुर्व सांसद, प्रदेश सांसद, जिल्ला समन्वय समिति प्रमुख नगरपालिका तथा गाउँपालिका मेयर तथा अध्यक्ष, प्रमुख जिल्ला अधिकारी, प्रहरी प्रमुख लगायत सरोकारवाला निकायका प्रमुख तथा प्रतिनिधिहरुको आतिथ्यता रहने संस्थामा सचिव राजेन्द्र थपलियाले जानकारी दिनुभयो ।