समाजवादीमा रहेकालाई घर फर्कन एमाले धादिङकाे आग्रह,जिल्ला कमिटिमा २ जना मनाेनित

धादिङ । नेकपा एमाले धादिङले नेकपा समाजवादी पार्टी छोडेर एमालेमै फर्कन चाहनेहरूलाई स्वागत गर्ने निर्णय गरेको छ ।

नेकपा समाजवादी पार्टीले माओवादीसँग एकता गर्ने निर्णय गरेपछि एमाले धादिङका अध्यक्ष भूमि त्रिपाठीले समाजवादी पार्टीका नेताहरूलाई एमालेमै फर्कन आव्हान गरेका छन् ।

हिजो पार्टी निर्माणमा योगदान गरेका नेताहरूलाई सम्मानका साथ जिम्मेवारी दिने प्रतिवद्धता एमालेले गरेकाे  छ ।

नेकपा एमाले धादिङका केन्द्रीय सदस्य खेम लोहनीकाे प्रमुख आतिथ्यमा मंगलबार भएकाे एमाले सचिवालय बैठकले समाजवादी पार्टीका नेताहरूलाई एमालेमै फर्कन र जिम्मेवारी पूर्वक काम गर्न एमालेले आग्रह गरेकाे छ ।

यसैबिच नेकपा एमाले धादिङको सचिवालय बैठकले पनि महाधिवेशनको तयारीका लागि छलफल गरेको छ ।

बैठकले महाधिवेशनको कार्यतालिका, प्रतिनिधि चयनको आधार लगायतका विषयमा निर्णय लिने जनाइएको छ ।

बैठकले धुवाकाेटका अब्जनाथ सापकोटा र चैनपुरका हेमराज छत्कुलीलाई जिल्ला कमिटीमा मनाेनित गरेकाे छ।

बैठकले महत्त्वपूर्ण निर्णय गर्दै कात्तिक २२ गते जिल्लाकाे १ सय ४ वडामा बैठक भेलाहरू सम्पन्न  गर्ने, २५ गते जिल्लाका १३ पालिकामा जनसभा गर्ने, २९ गते जिल्ला सदरमुकाममा भब्य जनप्रदर्शन गर्ने निर्णय गरेकाे नेकपा एमाले जिल्ला उपसचिव उर्मिला रेग्मीले जानकारी दिनुभयो।