नेपालमा ३४ हजार ३३७ जना एचआईभी संक्रमित

काठमाडौं । नेपालमा एचआईभी संक्रमितको संख्या ३४ हजार ३ सय ३७ जना रहेका राष्ट्रिय एड्स तथा यौन रोग नियन्त्रण केन्द्रले जनाएको छ।

विश्व एड्स दिवसको अवसरमा आइतवार आयोजित अन्तरक्रिया कार्यक्रममा राष्ट्रिय एड्स तथा यौन रोग नियन्त्रण केन्द्रले यसबारे जानकारी दिएको हो ।

कुल संक्रमितमध्ये १५ वर्ष भन्दा माथिका ३३ हजार २ सय ७९ जना रहेका छन्। त्यस्तै १५ वर्ष माथिका १४ हजार जना महिलाहरूमा एचआइभी संक्रमण छ।

१५ वर्ष भन्दा माथिका एचआइभी संक्रमित पुरुषहरूको संख्या १९ हजार २ सय ७९ रहेको छ। एक हजार ५८ जना एचआइभी पोजेटिभ बालबालिकाहरू रहेका छन्।

सरदर दिनमा १.७ जना नयाँ संक्रमित थपिरहेका छन् भने दिनमा एक जनाको एचआइभीका कारण मृत्यु भइरहेको केन्द्रले जनाएको छ।

हाल ८८ प्रतिशत संक्रमितहरू औषधिको सेवन गरिरहेका छन्।