धादिङमा हुने बागमती प्रदेश स्तरीय महिला भलिबलमा ८ जिल्ला सहभागी हुने

धादिङ । धादिङमा बागमती प्रदेश अन्तर जिल्ला महिला भलिबल प्रतियोगिता हुदै छ ।

धादिङ जिल्ला भलिबल संघको आयोजनामा यही पौष ९ देखि १२ गतेसम्म सदरमुकाम धादिङबेशीमा हुने ‘स्व.मनोज श्रेष्ठ स्मृति कप २०८२’ बागमती प्रदेश अन्तर जिल्ला महिला भलिबल प्रतियोगितामा बागमती प्रदेश भित्रका ८ जिल्लाबाट ९ टिम सहभागी हुने जिल्ला भलिबल संघ धादिङका अध्यक्ष अमृत गुरुङ (तिलक) ले जानकारी दिनुभयो ।

अध्यक्ष गुरुङका अनुसार प्रतियोगितामा धादिङ, नुवाकोट, रसुवा, चितवन, मकवानपुर, सिन्धुली, रामेछाप, सिन्धुपाल्चोक सहभागी हुनेछन् । धादिङबाट टिम ‘ए’ र ‘बि’ रहने र अरु जिल्लाबाट १/१ टिम रहने अध्यक्ष गुरुङले बताउनुभयो ।

प्रतियोगितामा प्रथम हुनेले नगद २ लाखसहित ट्रफी, मेडल र प्रमाण–पत्र पाउनेछन् भने द्वितीय हुनेले नगद १ लाखसहित ट्रफी, मेडल र प्रमाण–पत्र र तृतीय हुनेले नगद ५० हजारसहित ट्रफी, मेडल र प्रमाण–पत्र पाउनेछन् ।

यस्तै उत्कृष्ट स्पाइकर, सेटर, डिफेन्डर, सर्भर, बेस्ट प्लेयर र कोचलाई पनि पुरस्कार प्रदान गरिने आयोजकले जनाएको छ ।