अर्जुन कुमार श्रेष्ठलाई एमाले धादिङको कार्यबाहक अध्यक्षको जिम्मेवारी

धादिङ- नेपाल कम्युनिष्ट पार्टी (एमाले) धादिङका उपाध्यक्ष अर्जुन कुमार श्रेष्ठ (गोर्खाली) लाई कार्यबाहक अध्यक्षको जिम्मेवारी दिएको छ ।

जिल्ला कमिटीको आइतबार बसेको बैठकले उपाध्यक्ष श्रेष्ठलाई जिम्मेवारी दिएको हो ।

जिल्ला कमिटीको नवौँ अधिवेशनबाट अध्यक्षमा निर्वाचित भुमि त्रिपाठी नेकपा एमालेको ११औँ राष्ट्रिय महाधिवेशनबाट केन्द्रीय सदस्यमा निर्वाचित भएपछि पार्टी विधानअनुसार उपाध्यक्ष श्रेष्ठलाई कार्यबाहक अध्यक्षको जिम्मेवारी प्रदान गरिएको एमाले धादिङले जनाएको छ ।

यस्तै आज बसेको बैठकले नेकपा एमालेको ११औँ राष्ट्रिय महाधिवेशनबाट केन्द्रीय लेखा आयोगको अध्यक्षमा सर्वसम्मत निर्वाचित डा. पुष्प कडेल, केन्द्रीय सदस्यमा निर्वाचित भुमि त्रिपाठी र डा. खेम प्रसाद लोहनीलाई सम्मान समेत गरेको छ ।