सलाङ इटपानीमा वडा स्तरीय भलिबल प्रतियोगिता शुरु, ११ टिम सहभागी (खेल अपडेटसहित)

धादिङ । धादिङको सिद्धलेक गाउँपालिका-३, सलाङ इटपानीमा वडा स्तरीय खुल्ला पुरुष भलिबल प्रतियोगिता शुरु भएको छ। मनकामना समाज सुधार युवा क्लब, सिद्धलेक-३ इटपानीद्धारा आयोजित प्रतियोगितामा ११ टिम सहभागी भएका छन् ।

सहभागी टिमहरुमा सिद्धलेक-२, सिद्धलेक-३ ए, सिद्धलेक-३ बि, सिद्धलेक-३ (जोसिलो), सिद्धलेक-४ (वनकाली), सिद्धलेक-४ (वातावरण), ज्वालामुखी-३, गल्छी-१, गल्छी-३, गल्छी-४ र नुवाकोटको पञ्चकन्या गाउँपालिका वडा नं १ रहेको छ ।

सहभागी टिमलाई चार समुहमा विभाजन गरिएको छ ।

जसअन्तरगत समुह ए मा सिद्धलेक-३ बि, सिद्धलेक-३ (जोसिलो) र ज्वालामुखी-३ रहेको छ ।

यस्तै समुह बि मा गल्छी-३, सिद्धलेक-४(वातावरण) र गल्छी-१ रहेको छ ।

समुह सि मा सिद्धलेक-४ (वनकाली), सिद्धलेक-२ र गल्छी-४ रहेको छ ।

यसैगरी समुह डि मा सिद्धलेक-३ ए र नुवाकोटको पञ्चकन्या-१ रहेको खेल कार्यक्रम संयोजक सोम श्रेष्ठले जानकारी दिनुभयो ।

प्रतियोगिताको वडा नं ३ का वडाध्यक्ष देव बहादुर पुलामीले उद्घाटन गर्नुभएको हो ।

कार्यक्रममा वडाध्यक्ष पुलामीले वडाको सामाजिक, सांस्कृतिक र खेलकुद विकासका लागि सधैं सहकार्य गर्न तयार रहेको बताउनुभयो ।

यस्तै जिल्ला भलिबल संघका अध्यक्ष अमृत गुरुङले युवा पुस्तालाई खेलकुदतर्फ आकर्षित गर्न यस्ता प्रतियोगिताले महत्वपुर्ण भूमिका खेल्ने भन्दै स्थानीय तहमा यस्ता प्रतियोगिताले खेलाडी उत्पादनमा ठूलो भूमिका खेल्ने बताउनुभयो ।

प्रतियोगितामा प्रथम हुने टिमले नगद ५० हजारसहित ट्रफी, मेडल र प्रमाणपत्र प्राप्त गर्नेछ भने द्वितीय हुने टिमलाई ३० हजार र तृतीय हुने टिमलाई २० हजार नगदसहित ट्रफी, मेडल र प्रमाणपत्र प्रदान गरिने छ । त्यसैगरी प्रतियोगितामा उत्कृष्ट खेलाडी, उत्कृष्ट स्पाइकर, उत्कृष्ट सेटर र उत्कृष्ट सर्भर, डिफेन्डर र कोचलाई विशेष पुरस्कार प्रदान गरिने आयोजकले जनाएको छ।

माघे सङ्क्रान्ति, ल्होसार तथा श्रीपञ्चमीको अवसर पारेर सिद्धबाबा आमा समुहको सह आयोजना तथा गाउँपालिकाको प्रायोजनमा भएको कार्यक्रममा वडा नं ३ र जिल्ला भलिबल संघ धादिङको सहयोग रहेको छ ।

सम्पूर्ण खेल बागमती कलमबाट प्रत्यक्ष प्रशारण हुने छ।

पहिलो दिनको खेल अपडेट
१. सिद्धलेक-३ (जोसिलो) VS सिद्धलेक-३ बि (सिद्धलेक-३ बि बिजयी)
२.सिद्धलेक-४ (वातावरण) VS गल्छी-३ (सिद्धलेक-४ वातावरण बिजयी)
३.सिद्धलेक-४ (बनकाली) VS सिद्धलेक-२ (सिद्धलेक-२ बिजयी)
४.सिद्धलेक-३ बि VS ज्वालामुखी-३ (ज्वालामुखी-३ बिजयी)

यसैगरी माघ ८ गते साँझ श्रीपञ्चमी मेला तथा बृहत सांस्कृतिक कार्यक्रम समेत हुने मनकामना समाज सुधार क्लबका अध्यक्ष बाबुराम थापाले जानकारी दिनुभयो ।

खेलकुद हाम्रो जीवन कला सस्कृती हाम्रो पहिचान, समाज परिवर्तन मनकामना क्ल्वको योगदान भन्ने नारासहित मनकामना समाज सुधार युवा क्लवले सांस्कृतिक कार्यक्रमसमेत आयोजना गरेको सांस्कृतिक कार्यक्रम संयोजक सुन्दर आलले जानकारी दिनुभयो ।

कार्यक्रममा सोरठी, झयाउरे, गजुरे, कौडा, सालैजो, पञ्चेबाजा, प्रत्यक्ष दोहोरी लगाएतका झाँकीहरु र नेपाल साँस्कृतिक संघ धादिङको विशेष प्रस्तुती रहने र चर्चित कलाकारहरूको विशेष प्रस्तुति रहनेछ ।

तीन दशकभन्दा बढी समयदेखि सामाजिक विकास, खेलकुद प्रवर्द्धन र टोल विकासमा सक्रिय मनकामना समाज सुधार युवा क्लबले स्थानीय युवालाई खेलकुदतर्फ आकर्षित गर्दै कुलतबाट जोगाउने र कला–संस्कृतिको संरक्षण गर्ने उद्देश्यले यस कार्यक्रमलाई निरन्तरता दिँदै आएको छ।

प्रतियोगिताको पहिलो दिनको तस्विरहरुको लागि तलको लिंक क्लिक गर्नुहोस्

https://www.facebook.com/share/p/1FG6x6TZ7T/