सलाङमा जारी वडा स्तरीय भलिबल प्रतियोगितामा आज आठ खेल (अपडेट र तस्विरसहित)

आयोजकका अनुसार सेमिफाईनलका खेल पनि भोलि नै हुने छ ।

प्रतियोगितामा प्रथम हुने टिमले नगद ५० हजारसहित ट्रफी, मेडल र प्रमाणपत्र प्राप्त गर्नेछ भने द्वितीय हुने टिमलाई ३० हजार र तृतीय हुने टिमलाई २० हजार नगदसहित ट्रफी, मेडल र प्रमाणपत्र प्रदान गरिने छ । त्यसैगरी प्रतियोगितामा उत्कृष्ट खेलाडी, उत्कृष्ट स्पाइकर, उत्कृष्ट सेटर र उत्कृष्ट सर्भर, डिफेन्डर र कोचलाई विशेष पुरस्कार प्रदान गरिने आयोजकले जनाएको छ।

माघे सङ्क्रान्ति, ल्होसार तथा श्रीपञ्चमीको अवसर पारेर सिद्धबाबा आमा समुहको सह आयोजना तथा गाउँपालिकाको प्रायोजनमा भएको कार्यक्रममा वडा नं ३ र जिल्ला भलिबल संघ धादिङको सहयोग रहेको छ ।

सम्पूर्ण खेल बागमती कलमबाट प्रत्यक्ष प्रशारण हुने छ।

यसैगरी माघ ८ गते साँझ श्रीपञ्चमी मेला तथा बृहत सांस्कृतिक कार्यक्रम समेत हुने मनकामना समाज सुधार क्लबका अध्यक्ष बाबुराम थापाले जानकारी दिनुभयो ।

खेलकुद हाम्रो जीवन कला सस्कृती हाम्रो पहिचान, समाज परिवर्तन मनकामना क्ल्वको योगदान भन्ने नारासहित मनकामना समाज सुधार युवा क्लवले सांस्कृतिक कार्यक्रमसमेत आयोजना गरेको सांस्कृतिक कार्यक्रम संयोजक सुन्दर आलले जानकारी दिनुभयो ।

कार्यक्रममा सोरठी, झयाउरे, गजुरे, कौडा, सालैजो, पञ्चेबाजा, प्रत्यक्ष दोहोरी लगाएतका झाँकीहरु र नेपाल साँस्कृतिक संघ धादिङको विशेष प्रस्तुती रहने र चर्चित कलाकारहरूको विशेष प्रस्तुति रहनेछ ।

तीन दशकभन्दा बढी समयदेखि सामाजिक विकास, खेलकुद प्रवर्द्धन र टोल विकासमा सक्रिय मनकामना समाज सुधार युवा क्लबले स्थानीय युवालाई खेलकुदतर्फ आकर्षित गर्दै कुलतबाट जोगाउने र कला–संस्कृतिको संरक्षण गर्ने उद्देश्यले यस कार्यक्रमलाई निरन्तरता दिँदै आएको छ।

सलाङमा जारी वडा स्तरीय भलिबल प्रतियोगिताको दोस्रो दिनका गतिबिधि
तस्विरको लागि तलको लिंक क्लिक गर्नुहोस्

https://www.facebook.com/share/p/17mxzWwUtx/