एमाले धादिङद्वारा कार्यकर्ता संरक्षण कोषको सुरुवात

धादिङ । नेकपा एमाले धादिङले कार्यकर्ता संरक्षण कोषको सुरुवात गरेको छ ।

एमालेले कार्यकर्तालाई समस्या पर्दा सहयोग गर्ने गरी कोष स्थापना गर्ने निर्णय अनुसार बिहिबारबाट कोषको सुरुवात गरिएको हो ।

नेकपा एमाले धादिङका अध्यक्ष अर्जुन श्रेष्ठ (गोर्खाली) ले कोषमा एक लाख रुपैयाँ राखेर कोषको सुरु गर्नुभएको छ ।

कार्यकर्ता संरक्षण गर्न, विपद पर्दा, घाइते विरामी पर्दा सहयोग गर्ने गरि कोषको स्थापना गरिएको र एमाले कार्यकर्तालाई कोषमा सहयोग गर्नका लागि नेकपा एमाले धादिङले आग्रह गरेको छ ।