१६ वर्षमुनिका बालबालिकालाई सामाजिक सञ्जालमा प्रतिबन्ध लगाउने

स्पेनले १६ वर्षमुनिका बालबालिकालाई सामाजिक सञ्जाल प्लेटफर्महरूमा प्रतिबन्ध लगाउने भएको छ ।

दुबईमा भएको विश्व शिखर सम्मेलनमा स्पेनी प्रधानमन्त्री पेड्रो सान्चेजले १६ वर्षमुनिका बालबालिकालाई सामाजिक सञ्जालमा प्रतिबन्ध लगाउने र प्लेटफर्महरूले उमेर प्रमाणीकरण प्रणाली लागू गर्न आवश्यक हुने घोषणा गर्नुभएको समाचार संस्था रोयटर्सले जनाएको छ ।

उहाँले अन्य युरोपेली देशहरूलाई पनि यस्तै उपायहरू लागू गर्न आह्वान गर्नुभयो ।

सान्चेजको वामपन्थी गठबन्धन सरकारले सामाजिक सञ्जालमा घृणायुक्त भाषण, अश्लील सामग्री र गलत सूचना प्रसारको बारेमा बारम्बार गुनासो गर्दै आएको छ र यसले युवाहरूमा नकारात्मक प्रभाव पारेको बताएको छ ।