चरौदी नजिकैबाट त्रिशूलीमा बस खस्दा १८ जनाको मृत्यु, २५ जना घाइते

धादिङ। पृथ्वी राजमार्ग अन्तरगत धादिङको बेनीघाट रोराङ गाउँपालिकाको चरौदी नजिकै चाइनाधाराबाट त्रिशूली नदीमा बस खस्दा मृत्यु हुनेको संख्या १८ पुगेको छ भने २७ जना घाइते भएका छन्।

आज बिहान करिब सवा १ बजे पोखराबाट काठमाडौं आउँदै गरेको ग २ ख १४२१ नम्बरको बस त्रिशूलीमा खसेको सशस्त्र प्रहरी बलका प्रवक्ता विष्णुप्रसाद भट्टले जानकारी दिनुभयो ।

११ जना पुरुष र ६ जना महिलाको घटनास्थमै मृत्यु भएको हो। मृतकमध्ये एक महिला र एक पुरुष विदेशी नागरिक रहेका छन्।मृतकहरुको सनाखत हुन बाँकी छ ।

घाइते २७ जनालाई उद्दार गरेर विभिन्न अस्पताल लगिएको उहाँले जानकारी दिनुभयो । २ विदेशी नागरिकसहित २७ जना घाइतेको पहिचान खुलेको प्रहरीले जनाएको छ।  दुर्घटनास्थलबाट सबै घाइतेहरुको उद्धार गरि सकिएको छ।

बस सडकबाट करिब ३ सय मिटर तल खसेर क्षतविक्षत भएको छ ।