रवि लामिछाने आज धादिङ आउने,तीन स्थानमा चुनावी भेटघाट गर्दै

धादिङ । रवि लामिछाने नेतृत्वको राष्ट्रिय स्वतन्त्र पार्टी (रास्वपा) ले आज धादिङ आउने भएका छन् ।

फागुन २१ गते हुने निर्वाचन लक्षित रास्वपाका सभापति लामिछानेसहित उपसभापति डोल प्रसाद अर्याल (डीपी) को टोलीले जिल्लाका तीन स्थानमा मतदातासँग प्रत्यक्ष भेटघाट गर्ने तालिका सार्वजनिक गरिएको छ।

प्राप्त जानकारी अनुसार टोलीले सल्यानटारमा दिउँसो १२ः४५ बजे, धादिङबेसीमा २ बजे र गल्छीमा ३ः१५ बजे कार्यक्रम गर्नेछ।

निर्धारित भेटघाट सम्पन्न भएपछि नेताद्वयले नुवाकोट र रसुवामा तय गरिएका अन्य चुनावी कार्यक्रममा पनि सहभागिता जनाउने कार्यक्रम रहेको जनाएको छ।

धादिङ निर्वाचन क्षेत्र नम्बर १ मा रास्वपाबाट आशिका तामाङ उम्मेदवार रहेकी छन् भने क्षेत्र नम्बर २ मा बोधनारायण श्रेष्ठ चुनावी प्रतिस्पर्धामा छन्।