२०८३ सालमा १०९ दिन सार्वजनिक बिदा

यो वर्ष अर्थात् २०८२ सालमा झन्डै ८० दिन सार्वजनिक बिदा परेकोमा अर्को वर्ष २०८३ सालमा यो सङ्ख्या एक सय नौ पुगेको छ ।

सरकारले शनिवारसहित चाडपर्व र जयन्तीमा आठ प्रकारका बिदा निर्धारण गरेको छ भने प्रदेश र पालिकाले आफ्नो क्षेत्रको धर्म–संस्कृतिका आधारमा थप ६ दिन बिदा दिन पाउँछन् ।

अत्यधिक सार्वजनिक बिदाले निजी क्षेत्र आजित बन्न थालेको छ । बिदाका कारण मजदुर काममा नआउने र सरकारी काम नहुँदा समस्या थपिएको नेपाल निर्माण व्यवसायी महासङ्घका अध्यक्ष रवि सिंहले बताउनुभयो ।

भूगोल र जनसङ्ख्याका हिसाबले सानो देशमा यति धेरै बिदाको चलनले देशको विकास र अर्थतन्त्रलाई पछाडि धकेलिरहेको उहाँले बताउनुभयो ।

सरकारी कर्मचारी घरमा बस्दा निजी क्षेत्रले ठूलो क्षति व्यहोर्नुपरिरहेको अध्यक्ष सिंहकाे भनाइ छ ।