अबदेखि खाना पकाउने ग्यास आधा सिलिन्डर मात्रै पाइने

अबदेखि खाना पकाउने ग्यास आधा सिलिन्डर मात्रै पाइने भएको छ ।

नेपाल आयल निगमको आज बसेको सञ्चालक समितिको बैठकले उपभोक्ताको लाइन र ग्यासको माग बढेपछि आधा सिलिन्डर मात्रै ग्यास वितरण गर्ने निर्णय गरेको जनाएको छ ।

बजारमा पछिल्लो दुई महिनादेखि ग्यास पाउन सहज नभएको अवस्थामा पछिल्लो पटक पश्चिम एशियामा बढ्दो द्वन्द्वले उपभोक्ताले ग्यासको सञ्चय गर्दा समस्या भएको निगमको दाबी छ ।