फिसफिसेटार नजिकै पहिरो खस्दा धादिङबेसी-मलेखु सडक पूर्ण रूपमा अवरुद्ध

धादिङ । सिद्धलेक गाउँपालिका-६ स्थित फिसफिसेटार नजिकै पहिरो खस्दा मलेखु-धादिङबेसी सडकखण्ड पूर्ण रूपमा अवरुद्ध भएको छ।

परेवाटार र गजुरीटारका किसानले खेतबारीमा पानी लैजाने सिँचाइ नहर थुनिएर पानी सडकमा ओभरफ्लो भएपछि पहिरो खसेको हो।

अहिले सडकमा खसेको पहिरो पन्छाउन र यातायात सुचारु गर्न दुई वटा डोजरले निरन्तर प्रयास गरिरहेका छ ।

सिँचाइको पानी व्यवस्थापन र पहिरो हटाउने काम भइरहेको भए पनि हाल सडक दुईतर्फी नै बन्द रहेको छ। यस मार्ग भएर गुड्ने सवारी साधन र यात्रुहरू बीचमै रोकिएका छन्।