आज साउने संक्रान्ति.संक्रान्तिको दिन लुतो फाल्ने चलन

काठमाडौं । आज साउने संक्रान्ति पर्व देशभर स्नान, दान तथा पूजा-आराधनासहित मनाइँदै छ। सूर्य कर्कट राशिमा प्रवेश गर्ने दिनलाई साउने संक्रान्तिका रूपमा मनाउने परम्परा रहेको छ।

साउन १ गतेदेखि दक्षिणायन सुरु हुने धार्मिक विश्वास छ। यस दिन लुतो फाल्ने परम्परा पनि रहेको छ, जसले छालासम्बन्धी रोगबाट बचाउने जनविश्वास छ।

साउन महिना भगवान् शिवको आराधनाको महिना मानिने भएकाले पशुपतिनाथसहित देशभरका शिवालयमा भक्तजनको घुइँचो लागेको छ। महिलाले हरिया चुरा र वस्त्र लगाई साउन पर्व मनाउने चलन छ।

यस वर्ष साउन महिनामा चार सोमबार परेको छ।