साना आयोजनामा नअल्झिन मुख्यमन्त्री जम्मकट्टेलको आग्रह

धादिङ,१५ चैत।
बागमती प्रदेशका मुख्यमन्त्री शालिकराम जम्मकट्टेलले साना आयोजनामा नअल्झिन आग्रह गर्नुभएको छ ।

मङ्गलबार बनेपा नगरपालिकाको ४२ औँ स्थापना दिवसको अवसरमा आयोजित कार्यक्रममा उहाँले गाउँपालिका तथा नगरपालिकाले देखिने गरी काम गर्नुपर्ने भन्दै साना आयोजनामा नअल्झिन सुझाव दिनुभयो ।

समाजले खोजेअनुसारका विकासका काम गर्न सबैलाई मुख्यमन्त्री जम्मकट्टेलले आग्रह गर्नुभयो । “वडादेखि केन्द्रसम्म समाज झल्कने प्रतिनिधित्व रहेकाले खोजेको अनुसारको विकास हुँदै गएको छ”, उहाँले भन्नुभयोे ।

जनादेशअनुसार काम गर्ने व्यवस्था स्थापित हुन आवश्यक रहेको उहाँको भनाइ थियो । उहाँले प्रदेश सरकार विकासका काममा स्थानीय तहसँग सहकार्य गरेर नागरिकको चाहनाअनुरुपको काम गर्नमा दृढ रहेको बताउनुभयो ।