उपमेयर विश्वकर्माको संयोजकत्वमा दलित जनप्रतिनिधिको राष्ट्रिय भेला आयोजक समिति गठन

धादिङ,०९ बैशाख।
नीलकण्ठ नगरपालिकाका उपमेयर दिपक विश्वकर्माको संयोजकत्वमा दलित जनप्रतिनिधिहरूको राष्ट्रिय भेला आयोजक समिति गठन गरिएको छ ।

बैशाख ७ देखी ९ गतेसम्म काठमाडौँमा भएको दलित अधिकार सुनिश्चितताका लागि जनप्रतिनिधिको तेस्रो राष्ट्रिय सम्मेलनले धादिङ नीलकण्ठका उपमेयर विश्वकर्माको संयोजकत्वमा स्थानीय तहमा प्रतिनीधित्व गरेका दलित जनप्रतिनिधिहरूको प्रथम राष्ट्रिय भेला÷सम्मेलन मुल आयोजक समिति गठन गरेको छ ।

समितिले आगामी जेष्ठ २१ र २२ गते काठमाडौंमा राष्ट्रिय सम्मेलन गर्ने बताईएको छ । संयोजक विश्वकर्माका अनुसार उक्त सम्मेलनमा देशभरबाट १ हजार ८ सय जना दलित जनप्रतिनिधिहरू सहभागि हुने आँकलन गरिएको छ ।

‘आत्मसम्मानको खोजी : दलित अधिकार सुनिश्चितताका लागि जनप्रतिनिधिको भूमिका’ विषयक तेस्रो राष्ट्रिय दलित सम्मेलनमा सातै प्रदेशबाट राष्ट्रिय सभा, प्रतिनिधि सभा र स्थानीय तहमा निर्वाचित दलित जनप्रतिनिधि सहभागी भएका थिए ।