भारी मतान्तरका साथ चितवन-२ बाट रवि लामिछाने पुन: निर्वाचित

चितवन क्षेत्र नम्बर २ को उपनिर्वाचनमा राष्ट्रिय स्वतन्त्र पार्टीका सभापति रवि लामिछाने भारी मतान्तरका साथ पुन: विजयी भएका छन् ।

अन्तिम मत परिणाममा लामिछानेले ५४ हजार १ सय ७५ मत पाए भने  दोस्रो स्थानमा रहेका नेपाली कांग्रेसका उम्मेदवार जितनारायण श्रेष्ठले ११ हजार १ सय १४  मत पाएका छन् । दुई जनाबीचको मतान्तर ४२ हजार ९६२ रहेको छ ।

यसअघि मंसिर ४ मा भएको चुनावमा यो क्षेत्रबाट लामिछाने नै निर्वाचित भएका थिए। उनले ४९ हजार ३ सय मत प्राप्त गरेका थिए ।

नागरिकतासम्बन्धी विवादमा दोषी ठहर भएपछि सांसद पद गुमाएपछि उपचुनाव भएकाे हाे ।