ओलीमाथि आक्रमण गर्नेलाई कारबाही गर्न एमाले धादिङको माग

धादिङ,१५ बैशाख।
नेकपा एमाले धादिङले अध्यक्ष केपी शर्मा ओलीमाथि आक्रमण गर्नेलाई कारबाही गर्न माग गरेको छ ।

शुक्रबार एक प्रेस बिज्ञप्ती जारी गर्दै १३ गते बुधबार झापाको बुधबारेमा पहिचानको आन्दोलनको नाममा भएको उदण्ड र अराजक समुहले ढुङ्गामुढासहित गरेको आक्रमणप्रति गम्भीर ध्यानाकर्षण भएको जनाएको छ ।

कोशी प्रदेशको नामाकरण संवैधानिक प्रक्रियाबाट भएको र सत्ताको बागडोर सम्हालेर बसेका जिम्मेवार प्रतिनिधिहरुले संवेदनशिल विषयमा कट्मेरो व्यवहार देखाई भिडलाई अराजक र उच्छृङ्गल बनाउनु दुखद बिषय भएको एमाले धादिङका अध्यक्ष भुमी त्रिपाठीद्धारा जारी विज्ञप्तिमा भनिएको छ ।

उक्त घटनामा संलग्न व्यक्तिहरुलाई तत्काल कारबाहीको माग गर्दै यस्ता अराजक घटनाहरु पून नदोहोरिने वातावरण सिर्जना गर्न विज्ञप्तिमा भनिएको छ ।