अब विकासको मोडेल नै परिवर्तन गर्नुपर्छ : मुख्यमन्त्री जमकट्टेल

धादिङ,२८ बैशाख ।
बागमती प्रदेशका मुख्यमन्त्री शालिकराम जमकट्टेलले एक साताभित्र अब विकासको मोडेल नै परिवर्तन गर्नुपर्ने बताउनुभएको छ ।

बिहिबार नुवाकोटको विदुरमा प्रेस सेन्टर नुवाकोटद्धारा आयोजित पत्रकार सम्मेलनमा बोल्दै मुख्यमन्त्री जमकट्टेल सो कुरा बताउनुभएको हो ।

प्रदेश सरकारले सानातिना टुक्रे योजनामा लगानी नगर्ने भन्दै उहाँले साना योजना स्थानीय तहहरुलाई जिम्मा दिने र प्रदेशमा ठूलो योजना मात्र सञ्चालन गर्ने बताउनुभयो ।

उहाँले कृषि उत्पादत्व वृद्धिका लागि प्रदेश सरकारले काम गरिरहेको भन्दै आगामी आर्थिक वर्षदेखि व्यक्तिलाई कृषि अनुदान दिन बन्द गरिने बताउनुभयो ।

समुदायमा आधारित धेरैभन्दा धेरै किसानलाई समेट्ने गरी लगानी गर्ने योजनामा लागेकाले आगामी आर्थिक वर्षबाट नै यो मोडालिटी सुरु हुने मुख्यमन्त्री जमकट्टेलले बताउनुभयो ।

साथै अबको एक सातामा प्रदेश सरकारले पूर्णता पाउने पनि बताउनुभएको छ । केन्द्रीय नेतृत्व तहबाट केही निर्णय गर्नुपर्ने भएकाले अबको एक हप्तामा सरकारले पूर्णता पाउने बताउनुभयो ।