युवा संघको स्थापना दिवसमा धादिङबेशीमा ५७ जनाद्धारा रक्तदान

धादिङ,०१ ज्येष्ठ ।
युवा संघ नेपालकोे ३४औँ स्थापना दिवसको अवसरमा धादिङबेशीमा ५७ जनाले रक्तदान गरेका छन् ।

नेकपा (एमाले)को युवा संगठन राष्ट्रिय युवा संघ नेपाल धादिङको आयोजनामा नीलकण्ठ नगरपालिका–३ धादिङबेशीस्थित मदन आश्रित भवनमा भएको रक्तदान कार्यक्रममा ५१ जना पुरुष र ६ जना महिला गरी ५७ जनाले रक्तदान गरेको धादिङ रेडक्रसका कोषाध्यक्ष नारायण कुमार श्रेष्ठले जानकारी दिनुभयो।

रक्तदान कार्यक्रममा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोग रहेको थियो ।

युवा संघले प्रत्येक वर्षको जेठ १ गतेलाई युवा दिवसका रुपमा मनाउँदै आएको छ ।