बागमती प्रदेशका पूर्व सांसद डा.राजाराम कार्कीको निधन

धादिङ,०६ भदौ।
नेपाली कांग्रेसका महासमिति सदस्य एवम् बागमती प्रदेशसभाका पूर्वसदस्य डा. राजाराम कार्कीको निधन भएको छ।

लामो समयदेखि प्रोस्टेट क्यान्सरसँग लडिरहेका ६६ बर्षिय कार्कीको आज बुधबार साँझ ५ बजे वीर अस्पतालमा उपचारको क्रममा निधन भएको प्रतिनिधि सभा सदस्य रामनाथ अधिकारीले जानकारी दिनुभयो।

कार्कीकोे पार्थिव शरीरलाई भोलि बिहिबार बिहान ७ बजेदेखि ८ः३० बजेसम्म काठमाडौं,स्वयम्भूस्थित निवासमा, बिहान ९ बजेदेखि ११ बजेसम्म नेपाली कांग्रेस,केन्द्रीय कार्यालय बीपी स्मृति भवन सानेपामा श्रद्धाञ्जली अर्पणका लागि राखिने र तत्पश्चात शवयात्रा सुरु गरी पशुपति आर्यघाटमा दाहसंस्कार गरिने अधिकारीले बताउनुभयो।