शिक्षा बिधेयकको बिरोधमा देशैभरका शिक्षक काठमाडाैंमा,आजबाट प्रदर्शनमा उत्रने

अडियोमा सुन्नुहोस

बिधालय शिक्षा बिधेयकको बिरोधमा काठमाडौं केन्द्रित आन्दोलन सुरु भएको छ । सो बिद्येयकको बिरोधमा आज देशभरका शिक्षक कर्मचारीहरू काठमाडौँमा केन्द्रित भएर आन्दोलनमा उत्रन लागेका हुन ।

विद्यालय शिक्षा विधेयकको विरोधमा काठमाडौँमा सडक आन्दोलन गर्नका लागि ७७ वटै जिल्लाबाट राहत, करार, बाल विकास, स्थायी लगायतका शिक्षक कर्मचारी काठमाडौँ आएका छन ।नेपाल शिक्षक महासङ्घको आह्वानमा आज ११ बजेदेखि माइतीघर मण्डलामा विरोध प्रदर्शन सुरु गर्नेछन् ।

यस्तै धादिङको ५ सय ३५ सरकारी विद्यालयका १ हजार ५ सय बढि शिक्षक काठमाडौं पुगेका छन् ।

जिल्लामा ३ हजार ६ सय भन्दा बढी शिक्षक कर्मचारीहरु कार्यरत भएपनि आन्दोनलमा भने धादिङबाट २ हजारको हाराहारीमा सहभागी गराउने धादिङको आन्दोलन परिचालन समितिले जनाएको छ।