एमाले धादिङको जिल्ला अधिवेशनको लागि ६ सय प्रतिनिधि छनौट

धादिङ । नेकपा एमाले धादिङको जिल्ला अधिवेशनको लागि प्रतिनिधि छनौट गरिएको छ ।

यही माघ १९ र २० गते सदरमुकाम धादिङबेशीमा हुने ९ औं जिल्ला अधिवेशनका लागि जिल्लाको १३ वटै पालिका र १ सय ४ वटै वडामा प्रतिनीधि छनौट गरिएको एमाले धादिङका उपसचिव राधिका सापकोटाले जानकारी दिनुभयो।

उहाँको अनुसार ३३ प्रतिशत महिलासहित दलित, जनजाति र युवाको समानुपातिक सहभागीता हुने व्यवस्था अनुसार अधिवेशनका लागि करिब ६ सय प्रतिनीधि छनौट गरिएको छ।

जिल्ला भर शान्तिपूर्ण र सर्वसम्मत रुपमा प्रतिनीधि छनौट गरिएको सापकोटाले बताउनुभयो।