एमाले धादिङको अधिवेशनका लागि झोला र कापी सहयोग

धादिङ । नेकपा एमाले धादिङको नवौँ जिल्ला अधिवेशनको लागि फुलखर्कका राजकुमार अधिकारीले झोला सहयोग गर्नुभएको छ ।

माघ १९ र २० गते हुने अधिवेशनका लागि करिव ७ सय प्रतिनिधिका लागि चाहिने झोलाका लागि २ लाख ५० हजार बराबर सहयोग उपलब्ध गराउनु भएको नेकपा एमाले नेता उमेश थापाले बताउनुभयो ।

अधिकारी (हाल) जापानमा बसोबास गर्ने गंगाजमुना गाँउपालिका–५ फुलखर्कका सामाजिक कार्यकर्ता हुनुहुन्छ ।

नेकपा एमालेले देशमा विकास र समृद्धिका लागि काम गरेकोले अधिवेशन सफलताका लागि सहयोग गरेको अधिकारीले बताउनुभयो ।

यसैगरी सदरमुकाम धादिङबेसीका पुस्तक तथा स्टेसनरी व्यवसायी नारायणकुमार श्रेष्ठ(त्रिपुरा पुस्तक पसल)ले प्रतिनिधिले प्रयोग गर्ने ७ सय डायरी र ७ सय कलम उपलब्ध गराउनु भएको छ ।

माघ १९ गते शुक्रबार नेकपा एमालेका अध्यक्ष केपि शर्मा ओलीे नवौँ जिल्ला अधिवेशनको उद्घाटन गर्न धादिङ आउँदै हुनुहुन्छ।