एमाले गल्छीको अध्यक्षमा रिमाल विजयी

धादिङ। नेकपा एमाले गल्छी गाउँपालिका कमिटिको अध्यक्षमा राजकुमार रिमाल बिजयी हुनुभएको छ ।

अध्यक्षमा रिमालले १ सय ६४ मत ल्याएर विजयी हुनुभएको हो भने अध्यक्षका प्रतिस्पर्धी अर्जुनलाल श्रेष्ठले २९ मत र रमेश नेपालले २० मत प्राप्त गर्नु भयो ।

२ सय ३९ जना प्रतिनिधि रहेको अधिवेशनको निर्वाचनमा २ सय ९ जनाले मतदान गरेका थिए ।

यस्तै उपाध्यक्षमा रामशरण खतिवडा (अखिल) ले १ सय ५ मत ल्याएर निर्वाचित हुनुभयो । प्रतिस्पर्धी कल्याण आचार्यले ६० मत र स्वस्ती श्रेष्ठले २६ मत प्राप्त गर्नुभयो ।

सचिवमा विनेश तामाङले १ सय ६४ मत ल्याएर निर्वाचित हुनुभयो । प्रतिस्पर्धी मिनबहादुर भण्डारीले २५ मत ल्याउनुभयो ।

उपसचिवमा रामबहादुर विकले १ सय १० मत ल्याएर निर्वाचित हुँदा निकटतम प्रतिद्वन्दी प्रेमप्रसाद अधिकारीले ८१ मत प्राप्त गर्नुभयो ।

उपसचिवमा महिलातर्फ बिन्दा थापा सर्वसम्मत निर्वाचित हुनुभएको थियो ।

दोश्रो पालिका अधिवेशनको नेकपा एमाले उपमहासचिव विष्णु रिमालले उद्घाटन गर्नुभएको थियो ।