नेकपा माओवादी केन्द्र बेनीघाट रोराङको अध्यक्षमा खेम भुजेल

धादिङ । नेकपा माओवादी केन्द्र बेनीघाट रोराङको अध्यक्षमा खेम भुजेल चयन हुनुभएको छ ।

शनिबार भएको दोस्रो पालिका सम्मेलनले भुजेलको अध्यक्षतामा ३३ सदस्यीय कार्य समिति गठन गरेको छ ।

जसको उपाध्यक्षमा संगिता विसुराल, राम्जी चेपाङ र विनोद शाह, सचिवमा छविलाल श्रेष्ठ, सह सचिवमा मनोज डल्लाकोटी, कोषाध्यक्षमा पुष्प रसाईली चयन हुनुभएको छ ।

सम्मेलन सुरुहुनु अघि माओवादी कार्यकर्ताहरुले सरकार विरुद्ध प्रदर्शन गरेका थिए।

नेकपा माओवादी केन्द्रका केन्द्रीय सदस्य तथा बागमती प्रदेशका पूर्व मुख्यमन्त्री शालिकराम जम्कट्टेलको प्रमुख आतिथ्यता रहेको कार्यक्रममा केन्द्रीय सदस्य कञ्चन खनाल, बेनिघाट रोराङ गाउपालिका अध्यक्ष कृष्ण बहादुर थपलिया,थाक्रे गाउँपालिका ईन्चार्ज पित्त बहादुर डल्लाकोटी लगायतका नेता सहभागी थिए ।

माओवादी केद्रले धादिङको १३ वटै पालिकामा सम्मेलन गरी नयाँ कार्यसमिति चयन गर्ने भएको छ ।

शुक्रबार रुवीभ्याली गाउँपालिकाको सम्मेलन सम्पन्न भएको छ ।

सम्मेलनले अध्यक्षमा करिमान तामाङ, उपाध्यक्षमा विपिन तामाङ, नरबहादुर तामाङ र गजेन्द्र गुरुङ तथा सचिवमा मृङ्गे तामाङ, कोषाध्यक्षमा लालिमायाँ तामाङ र सह सचिवमा वविल घलेलाइ चयन गरेको छ।