खबरदारी सभामा जमकट्टेलले भने,‘सिद्धलेकको विकासको लागि माओवादीलाई जिताउनुस्’

धादिङ- नेकपा माओवादी केन्द्रका केन्द्रिय सदस्य तथा बागमती प्रदेश सरकारका निवर्तमान मुख्यमन्त्री शालिकराम जमकट्टेलले सिद्धलेक गाउँपालिकाको विकासको लागि माओवादीलाई जिताउनुपर्ने बताउनुभएको छ ।

कांग्रेस र एमालेले पटक पटक नेतृत्व लिग्दा पनि विकासले गति नलिएको भन्दै जमकट्टेलले विकासको लागि अब २०८४ को निर्वाचनमा माओवादी केन्द्रलाई जिताउनुपर्ने बताउनुभएको हो ।

शनिबार सिद्धलेकको माओवादी केन्द्र गाउँ कमिटिले बुङचुङ बजारमा सरकारको भ्रष्टाचार र बेथितिविरुद्ध जनदबाब दिनेगरि आयोजना गरेको खबरदारी सभासँगै गाउँ कमिटिको तेस्रो अधिवेशनको उद्घाटन तथा जनयुद्वमा धादिङ जिल्लाका प्रथम सहिद नारायण प्रसाद उपाध्याय(दिपक)को २६ औ स्मृति सभामा जमकट्टेलले सो कुरा बताउनुभएको हो ।

माओवादी केन्द्रले सरकारको लापरबाही,आफ्नो पार्टी नेतृत्वको सरकारले सुरु गरेको सुशासनको अभियानलाई कमजोर बनाउन भइरहेका षड्यन्त्र र भ्रष्टाचारजन्य गतिविधिलाई निष्तेज पार्न खबरदारीसभा गरिएको बताउनुभयो ।

उहाँले सामाजिक न्यायका मुद्दाहरुप्रति सरकारको गम्भीर ध्यानार्षण गराउन, सुशासन, सामाजिक न्याय र आर्थिक विकास तथा समृद्धिको पक्षमा अभिमत प्रकट गर्न आग्रह गर्नुभयो ।

सभाअघि सडकमा ¥याली निकालिएको थियो ।

¥यालीमा साविकका ३ गाविस नलाङ, सलाङ र कुम्पुरका माओवादी केन्द्रका नेता, कार्यकर्ता सहभागी थिए ।

कार्यक्रममा राष्ट्रिय कलाकार झड्कार बुडा मगर, अविरल मगर, गिता सेन्चुरी, प्रदिप बराईली लगाएत स्थानिय कलाकारहरुको प्रस्तुती रहेको थियो ।

गाउँ कमिटिको बन्द सत्र भने पुस २० गते फिसटारमा हुने भएको छ । बन्द सत्रले ३३ सदस्यीय नयाँ कार्यसमिति चयन गर्ने बुद्ध गुरुङले जानकारी दिनुभयो।

कार्यक्रमको भिडियो र तस्विर हेर्न तलको लिंक क्लिक गर्नुहोस्

https://www.facebook.com/kalambagmati