रिटर्नी फेडेरेशन धादिङको अध्यक्षमा सुदर्शन कँडेल

धादिङ । रिटर्नी फेडेरेशन नेपाल धादिङको अध्यक्षमा सुदर्शन कँडेल चयन हुनुभएको छ।

धादिङबेसीमा शनिबार भएको सम्पन्न रिटर्नी फेडेरेशन धादिङको दोश्रो जिल्ला अधिवेशनले कँडेलको अध्यक्षतामा १८ सदस्यीय नयाँ कार्यसमिति सर्वसम्मत चयन गरेको छ ।

कार्यसमितिको उपाध्यक्षमा अकिल तिमल्सीना, जगतमान कुमाल, सचिवमा राममायाँ श्रेष्ठ, उपसचिवमा सुब्बा जम्कट्टेल, कोषाध्यक्षमा प्रेम कुमार श्रेष्ठ चयन हुनुभएको छ ।

त्यस्तै सदस्यहरुमा भरत पौडेल, ज्ञानबहादुर माझी, रामबहादुर गैरे, दिपक लामीछाने, शिव खत्री, गणेशकुमार श्रेष्ठ, रामजी इटनी, जितेन्द्र थपलिया, मोहनबहादुर मल्ल, गोरे मल्ल, गोपाल तामाङ र अर्जुन इटनी चयन हुनुभएको छ।

कार्यक्रमको उद्घाटन समारोहमा नेकपा एमाले केद्रीय सदस्य खेम लोहनी, रिटर्नी फेडेरेशनका केन्द्रीय अध्यक्ष उत्तम अधिकारी, नेकपा एमाले जिल्ला सचिव राधिका सापकोटा लगायतले विदेशको सिप र दक्षतालाई नेपालमा सदुपयोग गरि मुलुकलाई समृद्ध बनाउन रिटर्नीले ठूलो भूमिका खेल्ने बताउनुभएको थियो ।

रिटर्नी फेडेरेशन विदेशमा श्रमस्वीकृति लिएर काम गरि नेपाल फर्केका एमाले कार्यकर्ताहरुको संगठन हो ।