नेपाल लोकतान्त्रिक यातायात व्यवसायी संघ धादिङको अध्यक्षमा राजेश प्रजापती (भिडियो सहित)

अडियोमा सुन्नुहोस

धादिङ । नेपाल लोकतान्त्रिक यातायात व्यवसायी संघ धादिङ जिल्ला अधिवेशन समन्वय समितिको अध्यक्षमा राजेश प्रजापती चयन हुनुभएको छ।

आईतबार धादिङबेशीमा भएको अधिवेशनले प्रजापतीको अध्यक्षतामा ११ सदस्यीय जिल्ला अधिवेशन समन्वय समिति चयन गरेको हो ।

समितिको उपाध्यक्षमा राम कुमार बानिया, सचिवमा शम्भु सिलवाल, कोषाध्यक्षमा रुद्र बहादुर गिरी, सह–सचिवमा रमेश ढुंगाना चयन हुनुभएको छ।

त्यस्तै सदस्यहरुमा बिनोद बिश्वकर्मा, कृष्ण प्रसाद रिजाल, रमेश श्रेष्ठ, रामचन्द्र श्रेष्ठ, कृष्ण गुरुङ र उत्तम कुमार श्रेष्ठ चयन हुनुभएको छ ।

कार्यसमितिलाई सोमबार धादिङबेशीमा नेपाल लोकतान्त्रिक यातायात व्यवसायी संघ धादिङ जिल्ला अधिवेशन समन्वय समिति,प्रथम धादिङ जिल्ला घोषणा सभाको आयोजना गरी प्रमाणपत्र वितरण गरिएको थियो।

घोषणा सभालाई सम्बोधन गर्दै प्रमुख अतिथि नेपाली कांग्रेसका महामन्त्री विश्वप्रकाश शर्माले यातायात व्यवसायीको हकहितमा पार्टीले केन्द्र, प्रदेश र जिल्ला तहमा आवाज उठाउने बताउनुभयो । संघ काँग्रेसको शुभेच्छुक संस्था भएकाले यातायात व्यवसायी मर्यादित र अनुशासित हुँदा पार्टीलाई नै फाइदा पुग्ने भन्दै उहाँले व्यवसायलाई मर्यादित र अनुशाशित बनाउन आग्रह गर्नुभयो ।

कार्यक्रममा नेपाल सरकारका कृषी तथा पशुपन्छी विकास मन्त्री रामनाथ अधिकारी,पूर्व कानून राज्य मन्त्री दिलमान प्राखिन, नीलकण्ठ नगरपालिका प्रमुख एवम नेपाल नगरपालिका संघका अध्यक्ष भिम प्रसाद ढुंगाना लगाएतका नेताहरुले यातायात व्यवसायीको समस्या नजिकबाट बुझेको भन्दै व्यवसायीका हकहितको पक्षमा आवज बुलन्द पार्ने धारणा व्यक्त गर्नुभएको थियो।

नेपाल लोकतान्त्रिक यातायात व्यवसायी संघका केन्द्रिय सल्लाहाकार एवं धादिङ जिल्ला अधिबेशन समन्वय समितिका संयोजक शरद अधिकारीको अध्यक्षतामा भएको सभामा नेपाली काँग्रेसका बिभिन्न तहका नेता,कार्यकर्तासँगै यातायात व्यवसायी सहभागी थिए ।

घोषणा सभालाई सम्बोधन गर्दै काँग्रेस धादिङका प्रमुख नेता (भिडियो)