धादिङ टाईटन्स ‘ए’ ले जित्यो अरुणोदय कबड्डी कप

धादिङ । सिद्धलेक गाउँपालिका वडा नम्बर ७ आदमटारमा सम्पन्न जिल्ला स्तरीय कबड्डी प्रतियोगिताको उपाधी धादिङ टाईटन्स ‘ए’ ले जितेको छ ।

शनिवार भएको फाईनल खेलमा आयोजक अरुणोदय युवा क्लवलाई पराजित गर्दै टाईटन्स ‘ए’ ले उपाधि जितेको हो।

उपाधि विजेता टाईटन्सले नगद ३० हजार,ट्रफि, मेडल र प्रमाणपत्र पायो भने उप विजेता अरुणोदयले १५ हजार ट्रफि, मेडल र प्रमाणपत्र पाएको छ ।

प्रतियोगितामा धादिङ कबड्डी संघ तेस्रो भएको छ ।

कबड्डी संघले नगद ५ हजार सहित ट्रफि, मेडल र प्रमाणपत्र पाएको छ ।

हिन्दु महिलाहरुको महान चाड तीजको अवसरमा २० गते बिहिबारदेखी अरुणोदय युवा क्लवले आयोजना गरेकोे जिल्ला स्तरीय कबड्डी प्रतियोगिता (अरुणोदय कबड्डी कप–२०८१) मा जिल्लाका बिभिन्न ९ टिम सहभागी थिए।