त्रिदेशीय एक दिवसीय श्रङ्खला : नेपालले आज क्यानडासँग खेल्दै

आइसीसी क्रिकेट विश्वकप लिग(२ को सिरिज अन्तरगत त्रिदेशीय एक दिवसीय किकेट श्रङ्खलामा नेपालले आज पहिलो खेल खेल्दै छ ।

ओमान र क्यानडासँग त्रिकोणात्मक सिरिज अन्तर्गत आज नेपालले घरेलु टोली क्यानडासँग खेल्दैछ ।

तालिकाअनुसार नेपालले दोस्रो खेल पर्सि असोज २ गते ओमानसँग, तेस्रो खेल असोज ६ गते क्यानडासँग र चौथो खेल असोज ८ गते ओमानसँग खेल्नेछ ।

सबै खेल नेपाली समयअनुसार बेलुका पौने ८ बजे शुरु हुने छ ।

यो श्रङ्खला सकिएको २ दिनपछि असोज १२ देखि १७ गतेसम्म तीनवटै टोलीबीच टी–२० अन्तर्राष्ट्रिय श्रङ्खला हुँदैछ ।

त्यसपछि लिग दुईको अर्को त्रिदेशीय श्रङ्खला खेल्न नेपाली टोली अमेरिका जानेछ ।

नेपाली टिममा रोहितकुमार पौडेलको कप्तानीमा सोमबार १६ सदस्यीय टोली क्यानडा पठाएको छ । नेपाली टोलीमा रोहित पौडेल (कप्तान), कुशल भुर्तेल, आसिफ शेख, अनिल साह, भीम सार्की, आरिफ शेख, कुशल मल्ल, दीपेन्द्र सिंह ऐरी, अर्जुन साउद, सोमपाल कामी, करण केसी, गुल्शन झा, रिजन ढकाल, सन्दीप लामिछाने र ललित राजबंशी रहेका छन् ।

त्यस्तै देव खनाललाई ट्राभलिङ रिजर्भमा रहेका छन् ।

नेपालले लिग-२ मा अहिलेसम्म ४ खेल खेलेको छ । जसमा एक जित हासिल गरेको छ भने ३ खेल हार बेहोरेको छ ।filephoto