सिद्धलेक–२ नलाङमा क्लब स्तरीय पुरुष फूटबल प्रतियोगिता हुने

अडियोमा सुन्नुहोस

धादिङ । धादिङको सिद्धलेक गाउँपालिका वडा नं २ नलाङस्थित आप्री हटियामा खुल्ला क्लब स्तरीय पुरुष फूटबल प्रतियोगिता हुने भएको छ ।

सिद्धलेक युनाईटेड फुटबल क्लबको आयोजनामा असोज २४ गतेदेखी २६ गतेसम्म फूटबल प्रतियोगिता हुने भएको हो ।

प्रतियोगितामा प्रथम हुनेले २० हजारसहित ट्रफी, मेडल र प्रमाणपत्र प्राप्त गर्ने छन् ।

यस्तै द्धित्तिय पुरस्कार १३ हजार सहित ट्रफी, मेडल र प्रमाणपत्र र तृतीय पुरस्कार ८ हजारसहित ट्रफी, मेडल र प्रमाणपत्र रहेको आयोजकले जनाएको छ ।

बिधागत तर्फ उत्कृष्ट खेलाडी, सर्वाधिक गोलकर्ता, उत्कृष्ट गोल रक्षक र उत्कृष्ट टिम कोचलाई नगद एक हजारसहित मेडल र प्रमाण पत्र प्राप्त गर्नेछन् ।

२३ गते विहान १२ बजेसम्म टिम दर्ता गर्न सकिने र टिम दर्ता शुल्क ३ हजार तोकिएको छ।

क्लब स्तरीय हुने खेलमा ३ जना अतिरिक्त खेलाडीसहित ९ जना र टिम कोच १ जना अनिवार्य हुनुपर्ने आयोजकले जनाएको छ ।

फोन तथा फेसबूकमार्फत पनि टिम दर्ता गर्न सकिने आयोजकले बताएको छ ।