काभा महिला भलिबल : नेपाल पुलिस क्लब फाइनलमा,फाइनल खेल आज

काठमाण्डौ । काभा महिला भलिबल क्लब च्याम्पियनसिपमा अपराजित रहँदै नेपाल पुलिस क्लब फाइनलमा पुगेको छ ।

पुलिसले लिग चरणको आफ्नो अन्तिम खेलमा हिजो माल्दिभ्सको घरेलु टोली पुलिस क्लबलाई ३–१ को सेटमा हरायो ।

पहिलो सेट २५–१२ र दोस्रो सेट २५–२१ ले जितेको पुलिसले तेस्रो सेट २१–२५ ले गुमायो ।

तर चौथो सेट २५–२१ ले जित्यो । पुलिसको पाँच खेलमा १४ अङ्क छ ।नेपाल पुलिस एक खेल अगावै यसअघि नै फाइनलमा पुगेको थियो ।

अब फाइनलमा पुलिसले उज्बेकिस्तानको हुमो भलिबल क्लबसँग खेल्ने छ । फाइनल खेल आज हुनेछ ।