धादिङमा आजदेखि राष्ट्रिय बुद्धिचाल प्रतियोगिता सुरु हुँदै,जिल्ला स्तरीय भोलिदेखी

धादिङ । थांक्रे गाउँपालिका वडा नम्बर ६ महादेवबेशीमा आजदेखी राष्ट्रिय भेटेरान चेस प्रतियोगिता सुरु हुँदै छ।

नेपाल बुद्धिचाल महासंघ र धादिङ जिल्ला बुद्धिचाल संघको आयोजना तथा थांक्रे गाउँपालिकाको सहयोगमा आजदेखि ७ गतेसम्म राष्ट्रिय प्रतियोगिता सुरु हुन लागेको हो ।

प्रतियोगितामा ५० वर्ष उमेर माथिका खेलाडीहरु प्रतिस्पर्धामा रहने धादिङ जिल्ला बुद्धिचाल संघका अध्यक्ष विकास कार्कीले बागमती कलमलाई जानकारी दिनुभयो।

छैठौं राष्ट्रिय सिनियर बुद्धिचाल प्रतियोगितामा पहिलो हुनेले ४० हजार नगद ट्रफी र मेडल पाउने छन् ।

दोश्रो, तेस्रो, चौथो, पाँचौ हुनेले क्रमशः २० हजार, १५ हजार, १० हजार, आठ हजार र हुनेले २० हजार, तेश्रोले १५ हजार, चौथोले १० हजार, पाँचौंले ८ हजार छैटौं र छैटौ तथा सातौं हुनेले ५र५ हजार नगद पुरस्कार पाउने छन् ।

यसैगरी भोलिदेखी जिल्ला स्तरीय प्रतियोगता पनि सुरु हुँदैछ।

असोज ६ देखि ७ गते महादेवबेशीसीमा जिल्ला स्तरीय प्रतियोगिताको आयोजना गरिएको संघका जिल्ला अध्यक्ष विकास कार्कीले बताउनुभयो।

प्रतियोगितामा पहिलो, दोस्रो र तेस्रो हुनेले क्रमशः १५ हजार, १० हजार र ५ हजार नगदका साथै ट्रफी, मेडल र प्रमाणपत्र पाउनेछन् ।

जिल्ला स्तरीय चेस प्रतियोगितामा सबै उमेर समूहका खेलाडी सहभागी हुने आयोजकले जनाएको छ।