विश्वकप क्रिकेट लिग–२ : नेपालले आज ओमानसँग खेल्दै

अडियोमा सुन्नुहोस

नेपालले आज ओमानसँग खेल्दैछ ।

क्यानडामा जारी आईसीसी विश्वकप लिग–२ त्रिदेशीय एकदिवसीय श्रृङ्खलामा नेपालले आज अन्तिम खेल ओमानसँग खेल्न लागेको हो ।खेल क्यानडाको किंग सिटीमा नेपाली समयअनुसार राति पौने ९ बजे शुरू हुनेछ ।

आठ टोली सहभागि लिग–२ मा १४ अङ्कका साथ क्यानडा शीर्ष स्थानमा छ । नेपाल सात खेलमा दुई अङ्कका साथ पुछारबाट दोस्रोमा छ ।

६ खेलमा पाँच अङ्कसहित ओमान छैटौँ स्थानमा छ । त्रिदेशीय श्रृङ्खलामा नेपालले लगातार खराब प्रदर्शन गरिरहेको छ ।

नेपाल पहिलो खेलमा क्यानडासँग १ सय ३ रनले, दोस्रो खेलमा ओमानसँग एक विकेटले र तेस्रो खेलमा क्यानडासँग ५ विकेटले पराजित भएको थियो ।filephoto