बृचेतमा बचत तथा ऋण व्यवस्थापन तालिम शुरु

खनियावास । धादिङको खनियावास गाउँपालिका वडा नं ३ बृचेतमा बचत तथा ऋण व्यवस्थापन तालिम बुधबारबाट शुरु भएको छ ।

प्रयास नेपाल धादिङले आड्रा नेपालको साझेदारी तथा खनियावास गाउँपालिकाको समन्वयमा संचालनमा गरेको उत्थानशील जिविकोपार्जन तथा खाद्य सुरक्षा सुढृढिकरण परियोजना कार्यक्रम अन्तरगत गठित समुहका पदाधिकारीहरुको लागि २ दिने बचत तथा ऋण व्यवस्थापन तालिम संचालन गरेको हो ।

तालिममा २३ जना सहभागी छन् ।

तालिममा समुहमा बचतको महत्व, बचत संकलन, आम्दानी र खर्च अभिलेख, ऋण लगानी,पासबुक, बचत तथा ऋण परिचालन सम्बन्धि निति, नियम,समुहका पदाधिकारीहरुको काम, कर्तव्य,अधिकार, घुम्ती कोष परिचालन र पुर्व सहकारी शिक्षा लगायतका बिषयमा सहजकर्ता सन्तोष सत्यालले सहजिकरण गर्नु हुनेछ।

कार्यक्रममा प्रयास नेपाल धादिङ र आड्रा नेपालको संस्थागत चिनारी र परियोजनाको लक्ष्य, उदेश्य संचालन प्रक्रिया र मुख्य क्रियाकलापहरुको बारेमा प्रयास नेपाल धादिङका पशुस्वास्थ्य प्राविधिक रुपेश तामाङले जानकारी गराउनु भएको थियोे ।

कृषकको क्षमता विकास, जलवायु कृषक पाठशाला , प्राविधिक ज्ञान, सिप हस्तान्तरण गरी कृषि तथा पशुपालनमा उत्पादन र उत्पादकत्व बृद्धिमा टेवा पु¥याउने उद्धेश्यले खनियावास र गंगाजमुना गाउँपालिकामा उत्थानशील जिविकोपार्जन तथा खाद्य सुरक्षा सुढृढिकरण परियोजना संचालन गरिएको प्रयास नेपाल धादिङका कार्यकारी निर्देशक दामोदर अर्यालले बताउनुभयो ।

खनियासमा ३२ वटा कृषक समुहहरु मार्फत परियोजनाले कृषि तथा पशुपालन क्षेत्रमा कार्य गरिरहेको बृचेतबाट लक्ष्मी सुनारले जानकारी दिनुभयो ।