ट्वाइलेटमा लडेर बालिकाको मृत्यु

मकवानपुरको हेटौंडामा ट्वाइलेटमा लडेर एक बालिकाको मृत्यु भएको छ ।

मृत्यु हुनेमा हेटौंडा उपमहानगरपालिका-५ सिँचाइटोलमा बुवासँगै डेरामा बस्ने महोत्तरी एकडाँडा गाउँपालिका-३ अजमरपटीकी पाँच वर्षीया बालिका सिरिशाकुमारी मण्डल रहेको प्रहरीले जनाएको छ।

शुक्रबार राति सिरिशा साढे ९ बजे ट्वाइलेट गएकी थिइन् । उनी ट्वाइलेटमा लडेपछि टाउकोमा चोट लागेको थियो ।

राति नै हेटौडा अस्पताल पुर्‍याइए पनि चिकित्सकले मृत घोषणा गरेका प्रहरीले जनाएको छ।