स्पेन युरोकप फुटबलको फाइनलमा

स्पेन युरोकप फुटबल प्रतियोगिताको फाइनलमा पुगेको छ । गएराति जर्मनीको एलिनाज एरिनामा भएको खेलमा फ्रान्सलाई २–१ गोलले हराउँदै स्पेन फाइनलमा पुगेको हो ।

खेलको आठौँ मिनेटमा कोलो मुआनीले गोल गरेर फ्रान्सलाई अग्रता दिलाएका थिए । तर २१ औँ मिनेटमा यमल र २५ औँ मिनेटमा ओल्मोले गोल गरे र स्पेनलाई फाइनलमा पुर्‍याए ।

अब उपाधिको लागि स्पेनले इंग्ल्याण्ड र नेदरल्याण्ड्सबीच हुने खेलको विजेतासँग खेल्नेछ ।

दोस्रो सेमिफाइनलमा नेपाली समयअनुसार आज राति पौने एक बजे इंग्ल्याण्ड र नेदरल्याण्ड्स खेल्दैछन् । तस्बिर : एजेन्सी