अस्वस्थ्यकर मः मःको अचार दिने वर्गर हाउसलाई २ लाख जरिवाना

अस्वस्थ्यकर मः मःको अचार दिने वर्गर हाउस एण्ड क्रन्ची फ्राइड चिकेनलाई २ लाख रुपैयाँ जरिवाना तिराईएको छ ।

काठमाडौँ महानगरपालिकाले कलंकीमा रहेको वर्गर हाउसलाई अनलाइन मः मः अर्डर गर्ने ग्राहकलाई गन्ध भएको अस्वस्थ्यकर अचार पठाएको पुष्टि भएपछि ‘बजार व्यवस्थापन तथा अनुगमन ऐन’ बमोजिम कारवाही गर्दै २ लाख रुपैयाँ जरिवाना तिराएको हो ।

असार २६ गते बेलुका सवा ६ बजेको अनलाइन अर्डरमा वर्गर हाउसले उपभोक्तालाई पठाएको म म को अचारमा गन्ध आएको महसुस गरेपछि उपभोक्ताले यो विषय वर्गर हाउसलाई जानकारी गराए । गुनासो आएपछि वर्गर हाउसले फेरि अचार पठायो । यसपटक पठाएको अचारमा पनि गन्ध पाइएपछि उपभोक्ताबाट महानगर प्रहरी बलमा उजुरी आयो ।

यसरी आएको गुनासोको छानविन गर्दा खानेकुरामा स्वच्छता नभएको पुष्टि भएपछि कारवाही गरिएको महानगरपालिकाका खाद्य प्राविधिक अनिल बस्नेतले बताउनुभयो ।