नेपालमा सुनको भाउमा फेरि नयाँ रेकर्ड,कतिमा हुँदैछ कारोबार ?

नेपाली बजारमा सुनको भाउले नयाँ रेकर्ड बनाएको छ ।

आज सुन तोलामा दुई सय रुपैयाँले बढेर अहिलेसम्मकै उच्च तोलाको एक लाख ४६ हजार नौ सय रुपैयाँ पुगेको नेपाल सुनचाँदी व्यवसायी महासङ्घले जनाएको छ ।

गएको शुक्रवार पनि तोलाको एक लाख ४६ हजार सात सय रुपैयाँ पुगेर रेकर्ड राखेको सुनको भाउ हिजो यथावत रहेर आज फेरी बढेको हो ।

आज चाँदीको भाउ पनि बढेको छ । चाँदी आज तोलामा १० रुपैयाँले बढेर तोलाको एक हजार आठ सय ८५ रुपैयाँमा कारोबार भइरहेको महासङ्घले जनाएको छ ।