धादिङका घिसिङ एकेएफ प्रशिक्षक लाइसेन्स लिन सफल

धादिङ । धुनिबेशी नगरपाविलका वडा नं १ का मिथुन घिसिङले एकेएफ प्रशिक्षक लाइसेन्स लिन सफल हुनुभएको छ ।

घिसिङले भुटानमा सम्पन्न एसियाली कराँते महासंघको प्रशिक्षक परीक्षा उतिर्ण गर्दै अन्तर्राष्ट्रिय एकेएफ लाईसेन्स प्राप्त गर्नु भएको हो।

केहि समय अगाडी मात्रै राष्ट्रिय रेफ्री लाईसेन्स प्राप्त गर्नु भएका घिसिङले एसियाली कराँते महासंघले भुटानमा लिएको परिक्षा पास गरेर अन्तर्राष्ट्रिय रफ्रीको लाईसेन्स समेत प्राप्त गर्नु भएको छ।

आफ्नो सफलतामा दाजु हरि लामा र ठमेल डोजोका प्रमुख तथा राष्ट्रिय खेलकुद परिषद कराते प्रशिक्षक सन्तोष श्रेष्ठको महत्वपूर्ण भूमिका रहेको घिसिङले बताउनुभयो ।

वि.स २०५४ सालबाट कराते खेल्न सुरु गर्नु भएको घिसिङले २०६४ साल देखि ककनी डोजो नुवाकोटमा प्रशिक्षक भै खेल सिकाउन थाल्नु भएको थियो भने २०७४ साल देखि धुनिवेशी नगरपालिकाका कराते डोजोका प्रमुख हुनुहुन्छ ।