भीमेश्वर मन्दिरको शिलामा पसिना

दोलखाको प्रसिद्ध भीमेश्वर मन्दिरको शिलामा पसिना आएको छ ।

दोलखाका प्रमुख जिल्ला अधिकारी टुवराज पोखरेलका अनुसार शनिबार दिउँसो १ः४७ बजेदेखि भीमसेनको मूर्तिमा पसिना आएको हो। दिउँसो ३ः५१ बजेसम्म मूर्तिको बायाँ भाग शिलामा पसिना आएको पोखरेलले बताउनुभयो ।

पसिना आएपछि अनिष्ट हुने भन्दै मन्दिरमा बाजागाजासहित पूजाआराधना गरिएको छ । भीमसेनको शिलामा पसिना आएपछि मुलुक र जनतामा अनिष्ट हुने मान्यता रहेको छ ।

शिलामा आएको पसिनालाई कपासले पुछेर दर्शनार्थीलाई प्रदान गरिन्छ भने शिलाको पसिना पुछिएको कपास राष्ट्रपतिको कार्यालयमा पठाउने प्रचलन रहेको छ ।