एनपीएलमा आज दुई खेल हुँदै,पहिलो खेल पोखराले जनकपुरसँग खेल्ने

काठमाण्डौ- नेपाल प्रिमियर लिग (एनपीएल) मा आज दुई वटा खेल हुँदैछन् ।

पहिलो खेलमा बिहान ९ बजे कीर्तिपुरको त्रिवि क्रिकेट मैदानमा पोखरा एभेन्जर्स र जनकपुर बोल्ट्स बिच हुने छ भने दोस्रो खेल दिउँसो १ बजे काठमाण्डौ गुर्खाज र सुदूरपश्चिम रोयल्स खेल्दै छन् ।

यसअघि पोखरा चितवन राइनोजसँग पराजित भएको टोली हो भने जनकपुरले अहिलेसम्म खेलेका दुईवटै खेल जितेको छ ।

त्यस्तै यसअघि जनकपुरसँग हारेको काठमाण्डौले हिजो कर्णाली याक्सलाई पराजित गरेको छ ।

सुदूरपश्चिम भने विराटनगर किंग्सलाई हराएको टोली हो ।